Արարչութեան աղօթքի համաշխարհային օրուան պատգամը` ''հասարակաց տան համար ողորմածութիւն''։

(Ռատիօ Վատիկան) Հինգշաբթի սեպտեմբեր մէկին կը նշուի Արարչութեան խնամակալութեան ի սպաս աղօթքի համաշխարհային օրը որուն առթիւ Ֆրանչիսկոս Սրբազան Քահանայապետը հրապարակած է պատգամ մը ''Ողորմածութիւն գործածենք մեր հասարակաց տան նկատմամբ'' բնաբանով եւ որուն ներկայացումը տեղի պիտի ունենայ Սուրբ Աթոռի մամլոյ գրասենեակի Յովհաննէս Պօղոս Բ անուան սրահին մէջ, հինգշաբթի 1 սեպտեմբեր 2016-ի առաւօտեան ժամը 11.30-ին, ի ներկայութեան Խաղաղութիւն եւ արդարութիւն Քահանայապետական խորհուրդի նախագահ` կարդինալ Փիթեր Քոտվօ Ափիա Թուրքսոնին, Քրիստոնեաներու Միութեան զարգացումի Քահանայապետական խորհուրդի քարտուղար` գերապայծառ Պրայան Ֆարրելի եւ` ''The Guardian of Mercy'' գիրքին հեղինակ Տիար Թերենս Ուարտի։

Յայտնենք թէ Արարչութեան խնամակալութեան ի սպաս աղօթքի համաշխարհային օրը հաստատուած է Ֆրանչիսկոս Սրբազան Քահանայապետին կողմէ, 10 օգոստոս 2015-ին, եւ ունի Էքումենիք - համամիութենական- բնոյթ­, տրուած ըլլալով որ այդ օրը կը նշուի օրթոտոքս եկեղեցւոյ հետ միասին։